Slow Cooker Sausage Casserole

Caserol Selsig yn y Crochan Araf

Slow Cooker Sausage Casserole

Mae’r caserol selsig hwn yn y crochan araf yn bryd maethlon llawn blas sydd at ddant y teulu i gyd. Mae’r blasau cryf a’r gweadau blasus yn cyfuno’n wych i greu pryd arbennig ac iach wneith gynhesu’ch tu mewn heb os.

Mae ein Selsig Cumberland yn berffaith ar gyfer y caserol selsig hwn yn y crochan araf, gyda chyfoeth o berlysiau a sbeisys arbennig ynghyd â phupur du a gwyn i greu selsig suddlon llawn blas – mae wedi’i greu gyda’r toriadau gorau oll o Tractor Coch Ysgwydd Prydeinig Porc y Tractor Coch.

Edrychwch ar ein tudalen ryseitiau i fanteisio ar lu o syniadau am brydau. am fwy o ysbrydoliaeth prydau bwyd.

Ar Gyfer 3
4 h 20 munud
690 cals
(Y platiaid)

Cynhwysion

  • 6 Selsig Cumberland Edwards
  • 2 nionyn coch
  • 2 ewin garlleg
  • 1-2 llwy fwrdd o olew olewydd
  • Hanner pwmpen cnau menyn canolig
  • 1 tun o ffa menyn
  • 1 pupur coch
  • 1 tun o domatos wedi'u torri
  • 1 sbrigyn teim
  • 1 sbrigyn rhosmari
  • 1 llwy fwrdd o paprika mwg
  • 1 ciwb stoc cig eidion
  • Halen a phupur i ychwanegu blas

Cyfarwyddiadau coginio

  • Ychwanegwch rywfaint o olew i badell ffrio ar wres canolig a choginiwch y selsig nes eu bod wedi’u brownio drostyn nhw – gofalwch eich bod chi’n eu brownio’n dda oherwydd ni fyddan nhw’n brownio ymhellach yn y crochan araf – yna rhowch nhw o’r neilltu am y tro.
  • Yn yr un badell, ewch ati i ffrio'r nionyn a'r garlleg dros wres isel, am oddeutu 5 munud, nes eu bod wedi eu coginio a’u meddalu. Yna ychwanegwch y pupur coch, y bwmpen cnau menyn a'r ffa menyn.
  • Ychwanegwch y paprika mwg i'r badell, cyn gwasgaru’r ciwb stoc am ben y cymysgedd a chymysgu’r cyfan.
  • Nesaf ychwanegwch 250ml o ddŵr berwedig a'r tomatos i'r badell, a chymysgwch y cyfan i ofalu fod yr holl flasau wedi’u cyfuno’n gyfan gwbl. Tywalltwch bopeth yn y crochan araf. Ychwanegwch y selsig, perlysiau a mymryn o bupur. Peidiwch ag ychwanegu halen nes bod y caserol wedi’i goginio oherwydd gallai’r stoc fod yn eithaf hallt. Coginiwch y cyfan ar wres uchel am 4 awr neu ar wres isel am 8 awr yna ewch ati i’w fwyta neu gadewch iddo oeri a’i rewi.
Ydych chi’n hoffi’r rysáit hon?

Beth am roi cynnig ar...